Ўзбекистонда «Илғор фермер» кўкрак нишони таъсис этилди

Ўзбекистон Президенти қарорига мувофиқ, мамлакатда «Илғор фермер» кўкрак нишони таъсис этилди. Бу ҳақда Адлия вазирлиги маълум қилди.

Қарорга кўра, «Илғор фермер» кўкрак нишони билан соҳада салмоқли натижаларни қўлга киритаётган, кўп тармоқли фаолиятни йўлга қўйган, моддий-техник базаси мустаҳкам, тажрибали ва илғор фермер хўжаликлари раҳбарлари тақдирланади.

Кўкрак нишони билан тақдирлаш бўйича таклифлар туман қишлоқ хўжалиги бўлими ҳамда ер ресурслари ва давлат кадастри бўлими билан ҳамкорликда туман Фермер, деҳқон хўжаликлари ва томорқа ер эгалари кенгаши томонидан шакллантирилади.