25 июнь куни Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси мажлислар залида қўмита ташкил этилганининг 1 йиллиги муносабати билан матбуот анжумани ташкил этилди.
Матбуот анжуманида республикада фаолият юритаётган маданий марказлар раҳбарлари ва фаоллари, дўстлик жамиятлари мутасадди ходимлари, турли вазирлик ва ташкилотлардан таклиф этилган меҳмонлар ҳамда ОАВ ходимлари иштирок этди.
Бугунги кунда Ўзбекистонда яшаётган 32 миллион аҳолининг 27 миллионга яқинини ўзбеклар, 5 миллиондан ортиқроғини эса 130 дан ортиқ миллатга мансуб фуқаролар ташкил этади.
Қўмита республикадаги 138 та миллий маданий марказ, 34 та дўстлик жамияти фаолиятини мувофиқлаштириб, Ўзбекистондаги барча миллатлар ва элатлар тарихи, маданияти, анъана ҳамда урф-одатларини асрашга ҳисса қўшиб келмоқда.
Матбуот анжумани доирасида қўмита раиси Рустамбек Қурбонов ва ЎзМТРК раиси Алишер Хўжаев ўртасида ҳамкорлик тўғрисидаги меморандум имзоланди. Шунингдек, йил давомида қўмита фаолиятига доир янгиликларни ёритишда фаоллик кўрсатган ОАВ ходимлари ташаккурномалар ва эсдалик совғалари билан тақдирланди.
Изоҳ (0)