Жаҳон Чемпионати, 3-турида Аргентина терма жамоаси Нигерия билан куч синашади. Африка қитъаси вакилига қарши ўтказиладиган ҳал қилувчи баҳсда аргентиналиклар таркибини жамоа сардори Лионель Месси ва жамоа фахрийси Хавьер Маскерано аниқлаб берадиган бўлди, деб хабар беради Daily Mail.
Қайд этилишича, Аргентина термаси бош мураббийи Хорхе Сампаоли Нигерияга қарши учрашув учун асосий таркибни танлашда иштирок этмайди. Бошланғич таркибни футболчиларнинг ўзлари танлайди, аммо якуний сўз Месси ва Маскеранода қолади.
Шунингдек, Сампаоли Нигерия қарши ўтказиладиган учрашувда захира ўриндиғида бўлмаслик эҳтимоли ҳам таъкидланади.
2-турда Хорватиядан учралган йирик ҳисобдаги мағлубиятдан сўнг Аргентининг гуруҳдаги ҳолати ёмонлашди. 1-турда Месси жамоадошлари Исландияни енгишнинг уддасидан чиқа олмаган — ўйин 1:1 ҳисобидаги дуранг билан якунланганди. Салбий натижалар ва ғалабасиз ўйинлардан сўнг жамоа танқидларга учради. Шунингдек, жамоа ўйинчилари бош мураббий Сампаолига қарши чиққани борасида хабарлар пайдо бўлди.
Маълумот учун Нигерияга қарши ҳал қилувчи тур учрашуви 26 июнь санасида ўтказилади.
Изоҳ (0)