Дубайда iPod шаклидаги осмонўпар бино қурилмоқда (фото)

Дубайда қурилаётган The Pad номли осмонўпар бино iPod шаклида бўлади. Бу ҳақда Hi-Tech Mail.ru хабар бермоқда.

Бинода люкс тоифасидаги 256 апартамент бўлади.

Бино қурилиши 2007 йили бошланган эди, аммо 2009 йили молиявий инқироз туфайли қурилиш ишлари тўхтатилди. Лойиҳа якунланмай қолиб кетиши мумкин эди, аммо 2013 йили ишлар қайта бошланди.

Илк харидорлар 2018 йил охирида бинодаги апартаментларга кўчиб кира бошлайди.

The Pad энг охирги технологиялар билан «ақлли уй» принципи асосида жиҳозланади. Квартираларда дастурли ёритиш тизимлари ҳамда овозли бошқарув ўрнатилади.