Хабарингиз бор, кеча, 14 июнь санасида Россияда ҳар тўрт йилликнинг энг йирик футбол мусобақаси — Жаҳон Чемпионати беллашувлари старт олди. Очилиш ўйинида Россия терма жамоаси Саудия Арабистони термасини йирик 5:0 ҳисобида мағлуб этди.
Бугун, мундиалнинг иккинчи кунида 3 та учрашув бўлиб ўтади.
Улардан бири «А» гуруҳининг иккинчи ўйини бўлиб, унда Миср ҳамда Уругвай терма жамоалари ўзаро беллашади. Беллашув Тошкент вақти билан 17:00 да бошланади. «Дарё» мазкур ўйиндан матнли онлайн трансляция қилишни режалаштирган.
Куннинг иккинчи ўйини эса «B» гуруҳидан жой олган Африка қитъаси вакили Марокаш ҳамда Карлуш Кейруш бошчилигидаги Осиё қитъаси номидан мундиалда қатнашадиган Эрон терма жамоалари ўртасида кечади. Беллашув Тошкент вақти билан 20:00 да бошланади.
3-учрашув эса «B» гуруҳи фаворитлари Португалия ҳамда Испания терма жамоалари ўртасида бўлиб ўтади. Ўйин Тошкент вақти билан 23:00 да бошланиши белгиланган. «Дарё» мазкур ўйиндан ҳам матнли онлайн трансляцияни амалга оширади.
Барча учрашувлар Futbol TV ҳамда UzReport телеканаллари томонидан жонли эфирда намойиш этилади.
Жаҳон Чемпионати
«А» гуруҳи, 1-тур беллашуви
15 июнь, жума
Изоҳ (0)