18 йил давомида лотереяда бир хил сонлар кетма-кетлигидан фойдаланган америкалик эркак 2 миллион доллар ютиб олди

18 йил давомида лотереяда фақатгина бир хил сонлар комбинациясидан фойдаланиб Американинг Айдахо штатида яшовчи Майкл Трэн катта ютуққа эга бўлди. Бу ҳақда UPI’га таяниб, «РИА Новости» хабар берди.

Эркакнинг сўзларига қараганда, у навбатдаги лотерея чиптасини харид қилган ва анъанага мувофиқ ҳар доимги сонлар кетма-кетлигини ёзган.

«Ўтган кеча телефоним орқали чиптани сканер қилдим. Маълум бўлишича, мен лотерея ташкилотчилари билан боғланишим керак экан», — дейди Трэн.

Омадли сонлар Трэнга икки миллион доллар мукофот олиб келди.

Айдахолик эркакнинг айтишича, у пулларнинг асосий қисмини уйи учун олган кредитни қоплашга сарфлаш ниятида.