АҚШда жойлашган 7 та дунё мўъжизаси (фотогалерея)

Forum Daily АҚШда жойлашган «олам мўъжизалари» билан бўлишди. Булар табиий ҳамда инсон қўли билан яратилган ҳайратланарли объект ва иншоотлардир.

Гранд-Каньон, Аризона

Американинг машҳур табиат мўъжизаларидан бири 1979 йилда ЮНЕСКО Жаҳон мероси объекти деб тан олинган. Олти миллион йиллик тарихга эга Гранд-Каньон 277 мил (365 км)га чўзилган.

Ниагара шаршараси, Нью-Йорк

Ердаги энг тез оқувчи шаршарада сув 50 метр баландликдан оқиб тушади. Ниагара шаршараси аслида учта алоҳида шаршарадан иборат.

Секвоя ва Қизил дарахтлар, Калифорния

Калифорния ўрмонларида дунёдаги энг баланд дарахтлар ўсади. Уларнинг баландлиги 115 метрга етиши мумкин.

Ўлим водийси, Невада

Бу ерда сайёрадаги энг юқори ҳарорат қайд этилган  — +56,7 даража. Ўлим Водийсида бир кеча-кундуз сувсиз яшаш ўлимга олиб келиши мумкин.

Cliff Palace, Колорадо

Меса-Верде миллий боғида жойлашган улкан мажмуа минг йиллар олдин қурилган ва камида 150 йил давомида одамлар яшайдиган жой бўлган.

Тавба-тазарру ғори, Айова

Германиялик муҳожир Пол Добберштейн томонидан Муқаддас Марияга атаб қурилган зиёратгоҳ. Иншоот учун тошларни у 14 йил давомида йиғган, сўнг 42 йил давомида зиёратгоҳни қуриб битирган.

Хаббард музлиги, Аляска

Бу улкан музлик Дистрибюшн кўрфазида жойлашган бўлиб, эни 10 км, баландлиги 122 метрга етади. Ундан кўпинча айсберглар синиб тушади.