AQShda joylashgan 7 ta dunyo mo‘jizasi (fotogalereya)

Forum Daily AQShda joylashgan “olam mo‘jizalari” bilan bo‘lishdi. Bular tabiiy hamda inson qo‘li bilan yaratilgan hayratlanarli obyekt va inshootlardir.

Grand-Kanyon, Arizona

Amerikaning mashhur tabiat mo‘jizalaridan biri 1979-yilda YuNESKO Jahon merosi obyekti deb tan olingan. Olti million yillik tarixga ega Grand-Kanyon 277 mil (365 km)ga cho‘zilgan.

Niagara sharsharasi, Nyu-York

Yerdagi eng tez oquvchi sharsharada suv 50 metr balandlikdan oqib tushadi. Niagara sharsharasi aslida uchta alohida sharsharadan iborat.

Sekvoya va Qizil daraxtlar, Kaliforniya

Kaliforniya o‘rmonlarida dunyodagi eng baland daraxtlar o‘sadi. Ularning balandligi 115 metrga yetishi mumkin.

O‘lim vodiysi, Nevada

Bu yerda sayyoradagi eng yuqori harorat qayd etilgan  — +56,7 daraja. O‘lim Vodiysida bir kecha-kunduz suvsiz yashash o‘limga olib kelishi mumkin.

Cliff Palace, Kolorado

Mesa-Verde milliy bog‘ida joylashgan ulkan majmua ming yillar oldin qurilgan va kamida 150 yil davomida odamlar yashaydigan joy bo‘lgan.

Tavba-tazarru g‘ori, Ayova

Germaniyalik muhojir Pol Dobbershteyn tomonidan Muqaddas Mariyaga atab qurilgan ziyoratgoh. Inshoot uchun toshlarni u 14 yil davomida yig‘gan, so‘ng 42 yil davomida ziyoratgohni qurib bitirgan.

Xabbard muzligi, Alyaska

Bu ulkan muzlik Distribyushn ko‘rfazida joylashgan bo‘lib, eni 10 km, balandligi 122 metrga yetadi. Undan ko‘pincha aysberglar sinib tushadi.