BMW’нинг қарийб 12 мингта автомобилига газ чиқиндиларининг ҳақиқий кўрсаткичларини камайтириб кўрсатувчи дастур ўрнатилган. Буни компания бошқарув раиси Харальд Крюгер акциядорларининг умумий йиғилишида тан олди, деб ёзмоқда «РИА Новости».
Крюгернинг таъкидлашича, бир неча йил аввал 11,7 мингта автомобилга мос келмайдиган дастурий таъминот ўрнатилган.
Март ойида Федерал автотранспорт агентлиги мос келмайдиган қурилма сабабли автомобилларни чақириб олишга қарор қилган.
Таъкидланишича, гап «инсоний хато» ҳақида кетмоқда. Хато синов вақтидаги ишланган газлар кўрсаткичи кўчалардаги ҳаракат вақтидагидан камроқ бўлишига олиб келган. Бу газ тақсимлаш ва ишланган газларни тозалаш тизимини атайлаб манипуляция қилиш билан боғлиқ эмас.
Айни вақтда BMW носозлиги бартараф этилган дастурий таъминотни ўрнатиш учун ҳукуматнинг рухсатини кутмоқда.
Изоҳ (0)