The Barn Find Hunter кўрсатуви бошловчиси Том Коттер ичида 60 йил давомида Mercedes-Benz 300SL Gullwing автомобили сақланган гаражни очди, деб ёзмоқда «Мотор». Топилган автомобиль моделнинг 43-намунаси бўлиб, 1954 йилда ишлаб чиқарилган. Қайта тикланган машина қарийб бир миллион доллар туради.
Amelia Island Concours кўргазмасининг ташкилотчиси Билл Уорнернинг сўзларига кўра, 1950 йилларнинг ўрталарида автомобилнинг оригинал бўёғи олиб ташланган, унга грунт қатлам туширилган, бироқ машина бўялмасдан қолган.
Автомобилнинг барча деталлари асл ҳолича сақланган. Икки йил кетадиган тўлиқ реставрациядан сўнг Mercedes-Benz 300SL Gullwing’нинг нархи 900 минг долларни ташкил қилиши мумкин.
Изоҳ (0)