Туркманистоннинг Болқон ва Дашовуз вилоятлари йўл ҳаракати инспекторлари давлат рақами 77 билан бошланувчи автомобилларни тўхтатмоқда. Бунда рақамлар олиб қўйилмоқда, ҳайдовчилардан эса янги рақам олиш учун полиция бўлимига бориш сўралмоқда. Бу ҳақда «Мотор» хабар берди.
Дастлабки маълумотларга кўра, бундай рақамлардан фойдаланишининг тақиқланиши уларнинг бундан кейин фақат мамлакат президенти Гурбангули Бердимуҳаммедовнинг қариндошларига берилиши билан боғлиқ. Вилоятлардаги полицияга жорий ойнинг охирига қадар барча «чиройли» рақамларни йиғиштириб олиш вазифаси топширилган.
Хабар берилишича, тақиқнинг жорий қилинишига инспекторлардан бири томонидан Бердимуҳаммедовниинг яқинларидан бири тўхтатилгани сабаб бўлган. Шу муносабат билан ички ишлар вазири Искандар Мулековга «лавозим вазифасини қониқарсиз бажаргани», шунингдек, «қуйи идоралар назоратини бўшаштиргани» учун қаттиқ ҳайфсан эълон қилинган.
Изоҳ (0)