Ўзбекистон республикада қазиб олинадиган газнинг 20 фоизга яқинини экспорт қилади. Бу ҳақда «Ўзбекнефтгаз» компанияси бошқаруви раисининг биринчи ўринбосари Улуғбек Саидов маълум қилди, деб хабар беради Sputnik.
«Нефть ва газ саноати корхоналари кенг кўламли геология-қидирув ишларини, жумладан, нефть ва газ қудуқларини бурғилаш, кон жойини аниқлаш, нефть, газ ва конденсат қазиб олиш ишларини амалга ошириб келмоқда. Республиканинг табиий газ эҳтиёжлари тўлиқ қопланмоқда ва унинг 20 фоизга яқини экспорт қилинади», — дейди Саидов OGU—2018 кўргазмаси доирасида.
Унинг сўзларига кўра, бугунги кунда «Ўзбекнефтгаз»нинг ялпи ички маҳсулотдаги улуши қарийб 15 фоизни ташкил этади, давлат бюджети даромадларининг бешдан бир қисми компаниянинг ҳисобига тўғри келмоқда. Таъкидлаш керакки, «Ўзбекнефтегаз» ОАЖнинг қуввати ҳозирги кунда йилига 70 миллиард метр куб табиий газ ва 8 миллион тонна суюқ углеводород қазиб олиш имкониятига эга.
Изоҳ (0)