Audi автомобилсозлик компанияси томонидан ишлаб чиқарилган иккита R8 суперкарини Доҳада жойлашган дунёдаги энг қиммат савдо маркази — Al Hazm’да суратга олишди. Мазкур савдо марказини қуришга 825 миллион доллардан ортиқ маблағ сарфланган. Машиналар тасвирланган видео Auditography’нинг YouTube’даги каналига жойлаштирилган, деб хабар берди «Мотор».
Савдо марказини қуриш учун 60 минг тоннага яқин Фаластин ва Тосканадан келтирилган тош ва мармар ишлатилган. Қурувчилар олдига XVIII асрдаги Европа савдо маркази усулидаги иншоотни яратиш вазифа қилиб қўйилган эди.
Видеода тасвирланган тўлиқ ва орқа узатмали R8 моделлари 5,2 литрли 10 цилиндрга эга двигатель билан жиҳозланган, бироқ машиналардан бирининг қуввати 610 от кучига, иккинчисиники 540 от кучига тенг.
Тўлиқ узатмали вариант 100 км/соат тезликка 3,2 сонияда чиқса, орқа узатмали модель ушбу кўрсаткичга 3,7 сония сарфлайди.
Изоҳ (0)