Жорий йилнинг 23 апрелидан 1 май кунига қадар ижтимоий тармоқларда Давлат бюджетининг ғазна ижроси бўйича сўров ўтказилди, дея хабар бермоқда Молия вазирлиги матбуот хизмати.
Сўров Ўзбекистон Республикаси Молия вазирлигининг Facebook ижтимоий тармоғидаги расмий саҳифасига ҳамда Telegram мессенжерининг @minfinuzb каналига жойлаштирилди.
Ушбу сўровда жами 2346 респондент қатнашди.
Қабул қилинган жавоблар натижасида респондентларнинг 73,7 фоизи бюджет ташкилотлари учун харидларнинг энг юқори баҳосини белгилаб қўйиш йўли билан озиқ-овқат нархларини тартибга солиш амалиётига ижобий баҳо бериши маълум бўлди.
54,5 фоиз респондентлар 2018 йилда бюджет ташкилотларининг олинган товар (иш, хизматлар) учун етказиб берувчиларга ўз вақтида тўловларнинг амалга оширилиши ва бюджет ташкилотлари ходимларининг ойлик иш ҳақларини ўз вақтида тўлаб берилиши юзасидан ижобий силжишлар кузатилаётганини таъкидлаб ўтди.
Сўров қатнашчиларининг 64 фоизи мутахассисларнинг кўрсатаётган хизматлари қисман қониқтиришини таъкидлади.
Изоҳ (0)