Ўзбекистон ва Литва жорий йил учинчи чорагида охирги 5 йил мобайнидаги илк ҳукуматлараро комиссия йиғилишини ўтказишни режалаштирмоқда. Бу ҳақда мамлакатда бўлиб турган Литва ташқи ишлар вазири Линас Линкявичюс маълум қилди, дея хабар беради «Podrobno.uz».
«Ўтган йил иқтисодий алоқалар динамикаси ижобий бўлди, 20 фоиз ўсишга эришилди. Бироқ бу рақамлар янада салмоқлироқ бўлиши мумкин эди, чунки икки томонлама алоқаларнинг айрим йўналишларига умуман қўл урилмаган. Масалан, таълим йўналишини жонлантириш мумкин. Ҳозир Литвада Ўзбекистондан атиги 25 нафар талаба ўқимоқда. Шу сабабли Тошкентда ҳукуматлараро комиссия йиғилишини ўтказиш ҳақида келишиб олдик», — дейди вазир.
Дипломатга кўра, томонлар икки томонлама солиққа тортишни бартараф этиш ва инвестицияларни ҳимоя қилиш бўйича келишувларни имзолашга тайёргарлик кўрмоқда.
Изоҳ (0)