Томошабинлар «Қасоскорлар» фильмининг бош салбий қаҳрамонини салбий қаҳрамон деб ҳисоблашдан бош тортмоқда

Marvel комиксларининг мухлислари «Қасоскорлар» киносерияси бош салбий қаҳрамони Таносни айнан салбий қаҳрамон ролини кўришни истамаяпти. Twitter фойдаланувчилари унинг хатти-ҳаракатларини рационал тушунтиришга уринмоқда, деб ёзади Mashable.

Фильм сюжетига кўра, Танос чексизлик тошларини тўплаб, реалликни ўзгартиришга уринади. Бу куч ёрдамида у коинотнинг ярмини йўқ қилиб, бу билан мувозанатни тиклашни режалаштиради. Чунки коинотда аҳолининг кўплиги туфайли ресурслар тақчиллиги юзага келган.

Ижтимоий тармоқлардаги муҳокамаларнинг кўпгина иштирокчилари Таноснинг бу хатти-ҳаракатлари мантиқан тўғри ва асосли деб ҳисобламоқда.

«Таноснинг аҳоли кўплиги муаммосини коинотнинг ярмини йўқ қилиш билан ҳал этиш ғояси TED маърузасига лойиқ», — деб ёзади фойдаланувчилардан бири.