Актриса Шаҳзода Матчонова Қирғизистонда «Марказий Осиёнинг энг яхши актрисаси» йўналишида «Ак Илбирс—2018» миллий мукофотини қўлга киритди. Бу ҳақда My Day хабар бермоқда. Актриса мазкур мукофотга режиссёр Ёлқин Тўйчиевнинг «Маъсума» фильмидаги роли учун лойиқ деб топилди.
Мазкур мукофот 2012 йилда таъсис этилган бўлиб, 2017 йилдан бошлаб Марказий Осиёдаги энг яхши актёр ва актрисалар ҳам тақдирланишни бошлади.
Ўтган йили ўзбекистонлик Феруза Саидова Зулфиқор Мусоқовнинг «Хазонрезги» фильмида яратган образи учун Марказий Осиёнинг энг яхши актрисаси унвонига лойиқ деб топилган эди.
Изоҳ (0)