«Ўзбеккино» МА буюртмаси билан режиссёр Акром Шахназаров ҳамда продюссер Равшан Норбаев томонидан суратга олинаётган «101-рейс» фильмининг суратга олиш ишларига тайёргарлик жараёнлари бошланди.
Фильм режиссёри Акром Шахназаров ҳамда фильм продюсери Равшан Норбаев тайёргарлик жараёнлари олдидан журналист Феруз Муҳаммадга интервью берди.
Фильм режиссёри ҳамда продюсери «101-рейс» фильми учун чет элдан жалб қилинаётган мутахассислар ҳақида гапириб берди.
Биз «101-рейс» фильмининг продюсери Равшан Норбаев билан «Ўзбеккино» МА томонидан суратга олиш ишларига руҳсат берганидан бошлаб, фильм ижодий жамоасига керакли мутахассислар қидирдик. Кўплар кинони хой-у ҳавас деб билади ва кинони ҳаёти деб биладиган мутахассис кам. Масалан, либослар бўйича рассом баъзи бир жойда гримёрлик қилиб, гримёр бошқа бир лойиҳада либослар бўйича рассомлик қилиб юрибди. Бунинг асосий сабаби, моддий манфаат қайси томонда яхши бўлса ўша ишни қилиб кетишаётганида. Ўн беш кунда, ким ўзарга фильм олаётганлар аҳволни шу даражага олиб келган. Бизнинг жамоамизга профессионал монтаж режиссёри керак бўляпти, аммо бутун Ўзбекистонда битта ҳам монтаж режиссёри йўқ, яна билмадиг-у биз продюсеримиз Равшан Норбаев билан монтаж режиссёри қидириб топа олмаганимиз учун Россия Федерациясидан Нина Шеркулова исмли профессионал монтаж режиссёрини «101-рейс» фильмига жалб қилдик.«101-рейс» фильмининг продюсери Равшан Норбаев фильм учун жалб қилинган чет эллик мутахассилар ҳақида батафсил маълумот берди.Акром Шахназаров, «101-рейс» фильмининг режиссёри
«101-рейс» фильмининг суратга олиш жараёнида чет элдан яна кўплаб мутахассислар жалб қилинади. Жумладан, чет эллик гримёр, реквизитор, бутофарист мутахассислари билан музокара ишлари бошланган. Бундан ташқари, асли ўзбекистонлик, бугунги кунда фаолиятини Голливудда юритаётган супервайзер (махсус графикачилар бошлиғи) Акмал Султонов ҳамда Лазизхон Ғаниевлар ҳам фильмнинг суратга олиш жараёнларида биз билан бир жамоада бўлишади. Айни вақтда эса «101-рейс» фильмининг монтаж режиссёри Нина Шеркулова эса Москва шаҳридан келиб, жамоамизга қўшилди.Маълумот учун, «101-рейс» бадиий фильми реал воқеага асосланган бўлиб, унда 2001 йил АҚШнинг Нью-Йорк шаҳрида содир этилган террорчилик ҳаракати оқибатида Шимолий Америка ҳаво ҳудудида қийин вазиятда қолган – бортида 180 нафар йўловчи бўлган «Ўзбекистон ҳаво йўллари» авиакомпаниясига қарашли Boeing-757 самолётининг 101-рейс экипажи кўрсатган жасорат ҳақида ҳикоя қилинади.Равшан Норбаев, «101-рейс» фильмининг продюсери
Фильм постановкачи режиссёр — Акром Шахназаров, бош продюсер — Равшан Норбаев ҳамда Эркин Аъзам бадиий раҳбарлигида суратга олиш ишларига тайёргарлик кўрилмоқда.
Изоҳ (0)