Охирги йилларда ўзгаришлар Ўзбекистондаги барча жабҳаларга ўз таъсирини ўтказди, бу хоҳ ижтимоий соҳа бўлсин, хоҳ маданият, сиёсат ёки иқтисодий соҳа бўлсин. Ўтказилаётган қатор иқтисодий ислоҳотлар доирасида Ўзбекистонда ишбилармонлик фаолиятини юритиш учун қулай шароитлар яратилмоқда, бу эса ўз навбатида Ўзбекистон бозорига чет эл инвесторларини (сармоядорларини) жалб этмоқда ва корхоналар сонининг ўсишига олиб келмоқда. Бозорларда ишлаб чиқарилаётган маҳсулот турлари ва рақобат ўсмоқда. Рақобат бозорида реклама алоқаларининг барча имкониятларидан фойдаланган ҳолда истеъмолчиларга маълумот этказиб бераётганлар устунликка эга бўлмоқдалар.

Таклиф этилаётган алоқа воситаларининг хилма-хиллигига қарамай, телевидение ва телевизион реклама асосий маркетинг воситаси бўлиб қолмоқда. Телевизион рекламанинг савдога оид вазифа ва имкониятларидан ташқари, телевидение муҳим ижтимоий вазифаларни ҳам бажаради. Аҳолини Ўзбекистонда содир бўлаётган ўзгаришлардан ўз вақтида ва юқори даражада хабардор қилиш, маълум мақсад билан маълумот узатиш, сифатли контент билан биргаликда телевидениени ўзгаришларни бошлаб берувчи омилга айлантирмоқда.

Медия соҳасидаги фикрлар ва режалар кўп вақтдан бери муҳокама қилиниб келинмоқда. 2016 йил ноябрь ойида Тошкентда ўтказилган медиафорум биринчи қалдирғоч бўлиб хизмат қилди. Форумнинг мақсадларидан бири масс-медиа бозорининг иштирокчилари мулоқот ўтказадиган ва мамлакатимиз медиа бозорининг ривожланиш истиқболларини муҳокама қилиш имконини берувчи майдон яратиш эди. Халқаро тажрибани ўрганиб чиқиш ҳам назардан четда қолмади ва шу мақсад доирасида телевизион рекламаларни сотиш бўйича тан олинган  эксперт — International Media Service (IMS) компанияси жалб этилди.

International Media Service (IMS) компанияси бу — мустақил медиа операторидир. Компания ТВ каналларнинг реклама имкониятларини сотишга ихтисослашган бўлиб, бозорни баҳолаш, телевизион консалтинг ва нарх-навони шакллантириш соҳаларида ўзига хос услубга эга. IMS компанияси шу каби халқаро дастурларни амалга ошириш борасида ератлича тажрибага эга. IMS менежерлари Арманистон, Украина, Қозоғистон ва Молдова давлатларида шу каби дастурларни  ишлаб чиқишган. Ўзбекистонда ушбу компания бир қатор телевизион компанияларга хизмат кўрсатади ва реклама майдонларида уларнинг ҳуқуқларини ҳимоя қилади, нарх-навони шакллантиради. Мақсад – телеканалларнинг реклама орқали келадиган даромадини ошириш. Телеканаллар даромадининг ошиши контент турли-туманлиги ва сифатининг кўтарилишига тўғридан-тўғри таъсир ўтказади, томошабинлар эътиборини сақлаб қолиш имконини яратади. Турли медиа орасида томошабинлар эътибори учун рақобат кетаётган ҳозирги даврда бу айниқса, долзарб масала.

Телевизион каналларни қўллаб-қувватлаш билан бир қаторда, IMS Ўзбекистон реклама бозорини ривожлантиришда ҳам фаол иштирок этмоқда. Телевидение ва реклама индустрияси иштирокчилари томонидан тармоқни бирлаштиришга йўналтирилган Миллий Медиа Кенгаши жорий этилган. Ўтказилган танлов натижасида Миллий Медиа Кенгаши Ўзбекистонга WPP халқаро холдинги таркибига кирувчи KANTAR TNS номли йирик халқаро тадқиқот компаниясини жалб этди. Мақсад – телевизион тадқиқотлар олиб бориш ва телевидение томошабинлари нимани афзал кўришларини аниқлаш. Телевизион ўлчашлар – телевидение бозорининг жуда муҳим қисми ҳисобланиб, барча бозор иштирокчилари учун телеканаллар ва дастурларнинг оммабоплиги, томошабинлар танлови, ҳар бир тадбирнинг томошабинлари таркиби ҳақидаги маълумотларга эга бўлиш имконини беради. Телеканаллар томошабинларнинг истакларидан келиб чиққан ҳолда, улар томоша қилиши учун қизиқ бўлган кўрсатувлар тизимини шакллантиришлари мумкин бўлади.

Бу каби ислоҳотлар ўзбек бозорига туртки бўлиб хизмат қилиб, Procter&Gamble, Mondelez International, Unilever, Danone, Reckitt Benckiser ва шу каби кўплаб йирик халқаро реклама берувчи компаниялар сармояларини Ўзбекистонга жалб қилади.