АҚШ президенти Дональд Трамп яна бир бор Буюк Британияга ишчи ташрифни амалга ошириш ҳақида ўйламоқда. Аввалроқ мамлакат президенти ушбу ниятидан қайтган эди. Бу ҳақда Daily Mail’га таяниб, «Газета.ru» хабар берди.
Маълумотларга кўра, Америка президенти ташрифни июль ойининг ўрталарига мўлжалламоқда ва Британияда бир неча кун қолиш ниятида. Тахминларга кўра, у мамлакат бош вазири Тереза Мэй билан, шунингдек, қиролича Елизавета II ёки қироллик оиласининг бошқа аъзолари билан учрашиши мумкин.
Ташрифнинг аниқ санаси ҳозирча номаълум, бироқ 11—12 июль кунлар Трамп Брюсселда бўлиб ўтадиган НАТО саммитида иштирок этади. Президент мазкур саммитдан кейин Лондонга йўл олиши ҳам мумкин.
Изоҳ (0)