«Ўзбекистон раҳбарияти инвестиция иқлими ва ишбилармонлик муҳитини яхшилаш борасида фаол иш олиб бормоқда. Ўзбекистон Республикаси Президенти томонидан белгилаб берилган устувор йўналишларига мувофиқ «Ravon Аuto Business» МЧЖ мамлакат фуқаролари учун илғор технологияларни ишлаб чиқиш ва амалга оширишга ўз ҳиссасини қўшмоқда. Хусусан, биз бир неча ой давомида энг йирик онлайн хизматларни ишлаб чиқарувчи Яндех компаниясини бозоримизга жалб этиш бўйича музокаралар олиб бордик ва натижада Яндех.Таксининг Ўзбекистондаги бош ҳамкорига айландик.

Бизнинг мақсадимиз – замонавий технологиялар ёрдамида такси хизматларидан фойдаланишнинг максимал қулайлиги ва хавфсизлигини дастлаб Тошкент шаҳри аҳолиси ва кейинроқ бутун мамлакат бўйлаб таъминлашдир. Яндех.Такси сайёҳларга яхши маълум – бизнинг ҳисоб-китобларимизга кўра, республикага келадиган сайёҳларнинг 70 фоизга яқини хизматдан аллақачон фойдаланган», – дейди «Ravon Аutо Business» МЧЖ директори ўринбосари Бобур Турсунович Маматов.

«Яндекс.Такси»нинг халқаро ривожланиш бўйича директори Мушег Саакян ва компаниянинг халқаро матбуот хизмати раҳбари Наталия Журавлёва «Дарё» мухбирига дастурининг афзалликлари ҳақида сўзлаб берди.

—Сервис қачондан бошлаб Ўзбекистонда ишлай бошлайди?

—Бугундан бошлаб ушбу дастурдан фойдаланиш мумкин. У фойдаланишга тайёр.

—Ўзбекистон бозорига кириб келишга қарор қилишингиз сабаби нимада?

—Бизни ҳам ҳамкорларимиз, ҳам фойдаланувчилар узоқ кутишди ва Ўзбекистонга келишимизни сўрашди. Шунинг учун биз бу муҳим жараёнга катта тайёргарлик кўрдик ва бугун хизмат кўрсатишга тайёрмиз.

—«Яндекс.Такси» Тошкент бозорида шу кунгача мавжуд бўлган ва фаолият юритаётган такси хизматларидан қандай фарқ қилади? Сизнинг сервисингизнинг ўзига хосликлари нимада?

—«Яндекс.Такси» — бу такси хизмати эмас, дастур ҳисобланади. Дастур фойдаланувчини маҳаллий таксопарклар билан тўғридан-тўғри боғлайди. Бизда буюртмаларни тақсимлашнинг «ақлли» тизими мавжуд. Шу сабабдан такси жуда тез манзилга етиб келади. Дастур билан биргаликда Тошкентга «Яндекс.Харита» ва «Яндекс.Навигатор» сервислари ҳам келмоқда. Бу эса ҳақиқатдан ҳам катта қулайлик!

—«Яндекс.Такси» орқали машинани қандай чақириш мумкин?

—Шунчаки дастурни юклаб олиш, рўйхатдан ўтиш ва ундан фойдаланишни бошлаш керак. Дастурдан IOS ва Android платформаларида ишлайдиган қурилмалар орқали фойдаланиш мумкин.

—«Яндекс.Такси» нимаси билан йўловчилар учун қулай? Нима учун улар айнан сизнинг сервисингиздан фойдаланиши керак, деб ўйлайсиз?

—Дастур мижознинг манзилини автоматик равишда аниқлайди. Шунчаки, қурилмадаги битта тугмани босиш орқали таксини чақириш мумкин. Маршрут йўналишини дўстлар ва яқинлар билан ҳам бўлишиш мумкин. Бу эса йўловчининг хавфсизлигини таъминлайди. Йўловчиларга яратилган яна бир қулайлик сифатида айтишим мумкинки, «Яндекс.Такси» дастурида ҳайдовчиларни баҳолаш тизими мавжуд. Манзилга етиб олган йўловчи ҳайдовчига баҳо қўйиши мумкин. Бундай усул эса ўз ишига совуққон муносабатда бўлаётган ходимни аниқлашга ёрдам беради. Бундай ҳайдовчиларни тизим блоклайди, юқори рейтингга эга ҳайдовчилар эса кўпроқ буюртма олади. Шунинг учун қайта алоқа жуда муҳим, биз шу тариқа сервис хизматлари сифати устидан биргаликда назорат ўрната оламиз.

—Хизматнинг нархи ҳақида ҳам айтиб ўтсангиз.

—Йўловчи чиқариш 2000 сўм. Сумма уч дақиқа бепул кутиш ва дастлабки уч километрни ўз ичига олган. Шаҳар ичида кейинги ҳар километр учун 1000 сўм, шаҳар ташқарисида эса кейинги ҳар километр 1500 сўмдан нархланади.

—Ҳозирда қанча ҳайдовчиларга эгасиз?

—Ҳозирги кунда биз 200 та автомобилни қамраб олганмиз, уларнинг сони эса вақт ўтиб ортиб бораверади.

—Тошкентда ҳайдовчи қандай қилиб «Яндекс.Такси» сервисига уланиши мумкин? Сервисга хусусий киракашлар ҳам улана оладими?

—«Яндекс.Такси» ҳайдовчилар билан тўғридан-тўғри ишламайди. Сервисга уланиш учун «Яндекс.Такси»нинг ҳамкори бўлган таксопаркда ишлаш талаб этилади. Бизнинг ҳамкорларимиз рўйхати сайтимизда бор. Исталган ҳайдовчи таксопаркни ўзи танлаши, у ерга ишга кириб, «Яндекс.Такси» сервисига уланиши мумкин. (Агарда унинг ўзи ва транспорт воситаси бизга тўғри келса, албатта)

—Сизда паст нархлар бўлса, ҳайдовчилар нима сабабдан сиз билан ишлашни исташи керак? Улар бундан фойда кўра оладими? Сиз ҳайдовчиларга бошқа такси хизматлари билан ишлашни тақиқлайсизми? Улар машинасида «Яндекс» бренди акс этиши шартми?

—Бизда бошқа такси хизматлари билан ишлашга ҳеч қандай тақиқлар йўқ ҳайдовчилар бизга ҳам, бошқа онлайн сервисларга ҳам уланишлари ва анъанавий тарзда диспетчер билан ишлашлари мумкин. «Яндекс.Такси» технологиялари туфайли ҳайдовчи одатий иш вақтида кўпроқ буюртмалар қабул қилиши мумкин. У йўловчиларни узоқ кутиш ёки йўловчиларни излаш каби қийинчиликларга дуч келмайди, шунинг учун кўпроқ пул ишлайди. Машинада «Яндекс.Такси» эмблемаси бўлиши шарт эмас. Ҳаммаси хоҳишга қараб амалга оширилади. Бошқа рақобатчиларнинг таксилари — бизнинг технологияларимиз. Бу эса «Яндекс.Навигатор». У ҳайдовчини тирбандликлар ва йўлдаги таъмирлаш ишларини четлаб ўтиб, ҳайдовчини оптимал маршрут орқали манзилга элтади. Технологияларимизга бўлажак сўровни прогноз қилиш ва бошқа кўплаб афзалликларни ҳам қўшимча қилиш мумкин. Технологиялар туфайли биз ҳайдовчининг бекор туриб қолиши ва шунчаки шаҳар кезишига кетадиган вақтни бир неча мартага қисқартирамиз. Бу эса ҳайдовчи ишининг асосини ташкил этади. Шунинг учун ҳам бир томондан нархлар хамёнбоп бўлиб бораверади, бошқа томондан ҳайдовчилар биз билан иш куни мобайнида кўпроқ буюртмалар олади ва шу тариқа кўп пул ишлайди.

—Сиз Ўзбекистонда иш бошлаш учун махсус тайёргарлик кўрдингизми? Масалан, дастурда ўзбек тили борми? Тошкент харитаси тайёрланганми?

—Ҳа, албатта! Maxсус тайёргарлик кўрдик. Биз — ўзбек тилига сифатли таржима қилинган ягона такси дастуримиз. Дастурни ишга тушириш учун биз «Яндекс. Харита» ва Навигатордаги Тошкент харитасини жиддий тарзда янгиладик.

—Сизда мижозларни қўллаб-қувватлаш маркази борми? Унга қандай қилиб мурожаат қилиш керак?

—Мижозларни қўллаб-қувватлаш маркази албатта, бор. Бундай марказ бизда иккита: Биттаси ҳайдовчилар, биттаси эса йўловчилар учун. Уларнинг ҳар иккаласида ҳам ўзбек тилида маълумот олиш мумкин.

—Ҳайдовчиларни қай тарзда танлаб оласиз?

—Яна қайтараман, биз ҳайдовчилар билан тўғридан-тўғри ишламаймиз. Биз билан ҳамкорлик қилувчи маҳаллий таксопарклар биз учун энг яхши кадрлар ва машиналарни саралаб олади. Бундан ташқари, бизда ҳайдовчилар иши ва машина созлигини масофавий тарзда назорат қилиш тизими мавжуд. Биз транспорт воситасини сервисимиз стандартларига тўғри келиши юзасидан текширувдан ўтказамиз. Шунинг учун «Яндекс.Такси»да фақатгина энг яхши машиналар ва энг яхши ҳайдовчилар ишлайди. Умид қиламизки, йўловчилар билан нохуш ҳолатлар юз бермайди. Бироздан сўнг биз Тошкентда «Яндекс.Такси» марказини очишни режалаштирмоқдамиз. У ерда бизнинг ходимлар малакаси оширилади ва ҳайдовчилар ҳамда машиналар текширувдан ўтказилади.

—Қайси хорижий мамлакатларда «Яндекс.Такси» фаолияти йўлга қўйилган? Улар учун дастур ягона ҳисобланадими ёки ҳар бир давлат учун алоҳида дастур юклаб олиш керакми?

—Биз саккизта мамлакатда ишлаймиз, Ўзбекистон тўққизинчи мамлакат бўлди. «Яндекс.Такси» Россия, Қозоғистон, Қирғизистон, Арманистон, Грузия, Беларусь, Латвия ва Молдовада анчадан буён муваффақиятли фаолият юритади. Битта «Яндекс.Такси» дастурини юклаб олиб, юқорида санаб ўтилган мамлакатларда ундан фойдаланиш мумкин. Бу эса жуда қулай. Бундан ташқари, келгусида «Яндекс.Такси» мавжуд бўлмаган, бироқ Uber бўлган мамлакатларда, айнан Uber орқали Яндекс. Такси хизматидан (ёки аксинча) фойдаланиш мумкин бўлади.

—Ўзбекистонда сервис ривожланиши учун келгусида қандай режалар мавжуд? Вилоятларда ҳам иш бошланадими?

—Албатта, Ўзбекистоннинг бошқа шаҳарларига ҳам чиқишни режалаштирмоқдамиз. Ҳаммаси бизни у ерда ҳамкорларимиз кутаётганига боғлиқ. Ва албатта, бизнинг сервисимизга бўлган талаб ҳам инобатга олинади.

—Сервисни ишга тушириш олдидан мамлакат ҳукумати билан бу борада суҳбатлашдингизми? Улар ташаббусга қандай муносабат билдирди?

—Албатта, биз учрашиб, суҳбатлашдик. Учрашувлар давом этмоқда. Ўзбекистон ҳукумати янги технологиялар ва янги инвестицияларни қўллаб-қувватлайди. Бизни ҳам улар жуда илиқ қарши олди.

Маълумот учун

«Яндекс.Такси» ишга тушганидан сўнг дастлабки кунлар пойтахтда акция ўтказилмоқда. Чақирувга  Mercedes-Benz S klass W221 автомобиллари етиб келиши ва сизни манзилингизга бепул элтиб қўйиши мумкин!

Реклама ҳуқуқи асосида