Швейцария дунёнинг энг экологик тоза мамлакатларидан бири ҳисобланади ва бу биринчи навбатда чиқиндиларни сортировка қилиш туфайлидир. Бироқ бу фуқароларга ноқулайлик туғдиради ва охирги вақтларда улар чиқиндиларни мамлакатдан ташқарига ташлашга борган сари кўпроқ уринмоқда, деб ёзади National Geographic.
Мамлакатдаги «чиқинди сиёсати» уларни кўплаб категориялар бўйича сортировка қилишни талаб этади. Қайта ишланмайдиган чиқиндилар учун турли ўлчамдаги махсус пакетлар харид қилиш зарур: ўнта 17 литрлик пакет тахминан ўн франк, шунча 110 литрлик — 30 франк туради.
Бу тизим швейцарияликларнинг барчасига ҳам маъқул келмайди ва улар чиқиндилардан текинга халос бўлишга уринади. Франция чегараси яқинида яшовчи французлар бунга ечим топди: улар қўшни давлатга юкхоналарида чиқинди қоплари билан тез-тез бориб турмоқда.
Франш-Конте минтақаси расмийларининг баҳолашича, қўшнилар ҳар йили ўн тоннадан кам бўлмаган чиқиндини олиб келмоқда. Бунинг олдини олиш учун чегарада текширишлар ўтказилмоқда.
Охирги йил мобайнида 140 нафар ҳуқуқбузар тўхтатиб қолинган; улардан ҳар бири 150 евро жаримага тортилган.
Изоҳ (0)