Ўзбекистон ИИВда Human Rights Watch вакиллари қабул қилинди

Меҳмонларни ИИВ жамоатчилик ва ОАВ билан алоқалар бошқармаси бошлиғи, генерал-майор Қутбидин Бурҳонов қабул қилди. У Human Rights Watch вакилларини Ўзбекистонга ташрифи билан қутлаб, мамлакатда ижтимоий, иқтисодий ва сиёсий жабҳаларда кенг кўламли ислоҳотлар, янгиланишлар амалга оширилаётганини таъкидлади. Мазкур ислоҳотлар натижаси Ички ишлар органлари фаолиятида яққол кўзга ташланаётганини қайд этди.

Стив Свердлов самимий қабул учун миннатдорчилигини билдирди. Ўзбекистонда инсон ҳуқуқ ва эркинликларини ҳимоя қилиш соҳасида ижобий ўзгаришлар кўзга ташланаётгани ва бу жаҳон ҳамжамияти томонидан эътироф этилаётганини таъкидлади.