Солиқ ислоҳоти концепцияси ҳақида «Korzinka.uz» раҳбари нима дейди?

«Korzinka.uz» супермаркетлар тармоғи раҳбари Зафар Ҳошимов ўзининг Facebook’даги саҳифасида муҳокамага қўйилган Солиқ ислоҳоти концепцияси ҳақида ўзининг фикрлари билан бўлишди.

Сўнгги вақтларда барча тадбиркор дўстларимга таклиф этилаётган Солиқ ислоҳоти концепциясида ўрта ва кичик бизнес вакилларига нисбатан ҳам, бошқа солиқ тўловчилар нисбатан ҳам ҳеч қандай фириб йўқлигини тушунтиришга тўғри келмоқда.

Ўнлаб йиллардан буён ишлаб келаётган тадбиркор ва бухгалтерларнинг ақли ва дунёқарашида соддалаштирилган солиққа тортиш тизими чуқур из қолдирган кўринади. Улардан энг оғири — ишонсизлик ва шубҳа бўлиб, бу фитнани юзага келтиради. Биз шунчаки солиқ тизимидаги ҳар қандай ўзгариш бизнинг зараримизга хизмат қилишига ўрганиб қолганмиз. Ҳатто ўз суҳбатдошимни Концепция унинг учун фойдали эканлигига ишонтирган тақдиримда ҳам, охирида у «барибир бу ерда қандайдир фириб бўлса керак, ҳаммаси бундай осон бўлиши мумкин эмас» дейди.

Бунинг барчаси тизимдаги кўплаб ўзгаришлар сабаб шаклланган, чунки одатда бу каби ҳолатлар тадбиркорлар ва солиқ тўловчиларининг ҳаётини оғирлаштирса оғирлаштирганки, енгиллаштирмаган. Ҳар сафар йил тугаётганида елкамизга яна қандай қўшимча солиқлар тушар экан дея хавфсирардик.

Бунда ўрта муддатли солиқ тизими ҳақида ўйлаб ҳам бўлмасди. Барча бир чоракдан бошқасига, бир йилдан иккинчисига қадар яшаб келарди. Соддалаштирилган солиққа тортиш борасида ҳам бундай деб бўлмасди. Ерга солинадиган солиқдан мажбурий уч баробар шартлар ва бошқа олти турдаги ҳисоботлар ҳамда турли солиқ ва фондларга тўловлар. Соддалаштирилгани шуми?

Соддалаштирилган солиққа тортиш тури чиққанида у бошқа барча солиқлар ва имтиёзларни, жумладан, мол-мулк ва ер солиғини, шунингдек, бошқа кўплаб жамғармаларни ўз бўйинига олишни ваъда берганди. Аммо! Ҳатто жорий йил бошида яна шу «соддалаштирилган» солиқ навбатдаги ўсишсиз бўлмади, хусусан, корхона эгаллаб турган майдон 1 гектардан ошган ҳоллардаги ер солиғи.

Шундан кейин, деярли соддалаштирилмаган солиқни тўлаш билан иш битмасди, ундан кейин биз дивидентлар учун яна 10 фоиз миқдорида солиқ тўлаган бўлсак, яқингача нақд маблағни (!) олиш учун турли «банк зарарлари»да камида 10—15 фоиз йўқотардик. Ойлик-чи? Ходимнинг қўлига 1 миллион ойлик тўлаш учун яна барча солиқлар билан бирга 700—800 минг тўлашимизга тўғри келади. Бундайин «юк»лар билан турли шубҳа ва гумонлардан ростдан ҳам қутилиш осон эмас.

Ҳозирги «Соддалаштирилган» давримизнинг оғир мероси — бизнинг қаттиқ аллергиямиз ва қўшилган қўшимча қиймат солиғи (ҚҚС). Солиқ майдонидаги барча солиқ тўловчиларнинг атиги 3 фоизи ҚҚСни тўлар эди, тўловчилар занжирининг мунтазам ошиб боришига қарамай ушбу солиқ билвостида эмас, балки тўғридан-тўғри 20 фоизга тенг эди. У деярли ҳар қандай бизнес учун чидаб бўлмас ва даҳшатлики, барча ундан моховдан қўрққандек қўрқарди.

Солиқ ислоҳоти концепцияси мана шундай шароитда юзага келмоқда. Шундай экан ушбу ислоҳотнинг туб мазмуни ва фойдасини барча тадбиркорларга етказишда жуда кўп тушунтириш ва чайналишлар керак бўлишидан ҳайратланмаслик керак.

Жойлаштирган ушбу постим билан ўқувчиларимнинг концепцияда таклиф қилинаётган қадамларга нисбатан қўрқувлари ва шубҳаларини бартараф этиш учун оддий тушунтиришлар бериб боришни бошламоқчиман. Сўнгги уч кундан буён буни ўнлаб маротаба амалга оширдим, жумаладан, ҳар сафар суҳбатдошимни таклиф этилаётган Концепция ҳар қандай бизнес учун фойдали эканлигига ишонтира олдим.

Ҳурматли ўқувчим, агарда мен билан ушбу йўлга чиқмоқчи бўлсангиз илтимос, ўзингизни шубҳа ва гумондан халос этинг. Мен сиз билмаган ёки ёдингиздан чиққан янгилик ҳақида сўзлаб бермоқчиман. Университетдаги профессор ўқитувчим «футлар билан метрларни ўлчаш қийин» дерди.

Хайрли кеч ва менинг лентамни кузатиб боринг.