Ўзбекистон фуқароси Зарина Андиржонова Ҳиндистонда ўтказилган Miss Supermodel Worldwide 2018 гўзаллик танловида иккинчи ўринни эгаллади. Бу ҳақда танловнинг Facebook’даги саҳифасида маълум қилинди.
Танлов 12 кун мобайнида уч босқичда ўтказилди. Унда иштирокчилар миллий либослар, чўмилиш кийимлари ва байрамона либосларда ҳакамлар олдига чиқди. Беллашув 26 март куни якунланди. Унда дунёнинг турли мамлакатларидан 42 нафар қиз иштирок этди.
Танловда олий ўрин Беларусь вакиласи Александра Ляшкова, биринчи ўрин эса россиялик Екатерина Евдокимова, иккинчи ўрин ўзбекистонлик Зарина Андиржанова, учинчи ўрин Таиланд вакиласи Чантарачота Пафатаннунга насиб этди.
Гўзаллик танлови Ten Square Media ва Rubaru Group компаниялари томонидан ўтказилган.
Изоҳ (0)