2019 йилнинг 5 январь — 1 февраль кунлари БААда футбол бўйича Осиё Кубоги мусобақаси бўлиб ўтади.
Жорий йилнинг 4 май санасида Осиё Кубоги финал босқичига қуръа ташланади. Бу ҳақда «Championat.asia» хабар бермоқда.
Қитъа чемпионатида илк бор 24 та терма жамоа иштирок этади. Дубай шаҳридаги Аrmani Hotel меҳмонхонасида 24 та терма жамоа ўзининг Осиё кубогида қайси гуруҳдан ўрин эгаллашини билиб олади.
Терма жамоалар ўша пайтдаги (май ойидаги) ФИФА рейтинги бўйича 4 та саватчага ажратилади. Мезбон БАА ФИФА рейтингидаги ўрнидан қатъи назар 1-саватчада ўрин олади.
Ҳозирга қадар Осиё Кубоги финал босқичига чиққан 21 та жамоаниннг номи маълум: БАА, Қатар, Жанубий Корея, Япония, Таиланд, Саудия Арабистони, Австралия, Ўзбекистон, Эрон, Сурия, Ироқ, Хитой, Ҳиндистон, Ливан, Иордания, Вьетнам, Фаластин, Уммон, Баҳрайн, Туркманистон, Қирғизистон.
Изоҳ (0)