Кеча хабар берилганидек, бугун Бутунжаҳон бокс сериясининг гуруҳ босқичи тўртинчи турида Колумбияда Uzbek Tigers ва Colombia Heroicos жамоалари баҳс олиб борди.
Дастлаб, -91 килограммгача вазн тоифасида Санжар Турсунов ва Хулио Дэйвис рингга кўтарилди. Жангда Санжар кичик ҳисобда мағлубиятга учради.
Иккинчи жангда Исроил Мадримов ҳам рақибига имкониятни бой берди. Жорж Вивас ғалабага эришди. Умумий ҳисоб Colombia Heroicos фойдасига 2-0.
Учинчи жангида вазни 64 килограмм бўлган Иқболжон Холдоров ва Жон Гутьеррез ўзаро баҳс олиб борди. Жангда Иқболжон Холдoров ғалаба қозонишга эришди.
4-жангда Шаҳобиддин Зоиров 56 килограмм вазн тоифасида Жон Мартинезга ҳеч қандай имконият қолдирмади ва жамоалар ўртасидаги умумий ҳисобни тенглаштирди – 2:2.
5-жанг жанг ҳал қилувчи баҳсга айланди. Унда 49 килограмм вазнда Мироншоҳ Ибрагимов ҳамда Юбержен Мартинез учрашув тақдирини ҳал қилиш учун рингга чиқди. Мироншоҳ Ибрагимов рақибига имкониятни бой берди ва шу тариқа Uzbek Tigers Колумбияда 3:2 ҳисобида мағлубиятга учради.
Энди ўзбекистонлик боксчилар мусобақанинг 5-6-турларини Венесуеланинг Caciques Venesuela жамоасига қарши ўтказади. Жанглар 6—7 апрель кунлари Термиз шаҳрида бўлиб ўтади.
Изоҳ (0)