Хитойда ижтимоий кредит тизимида кўрсаткичлари паст бўлган мамлакат фуқаролари жиддий чекловларга дуч келади. Хусусан, ишончли ҳисобланмаган одамларга самолёт ёки поездга чипта сотилмайди, деб хабар берди Reuters.
Хитой ҳукумати мамлакатнинг ҳар бир фуқаросига рейтинг жорий этмоқчи, яъни ижтимоий кредит тизими ишга тушади.
Давлат одамларнинг билимини, даромад даражаси ва ишдаги муваффақиятларини баҳолаб боради. Рейтингга фуқароларнинг интернетдан фойдаланиш тартиби ҳам таъсир кўрсатади.
Мазкур рейтингда қуйи ўринларни эгаллаган фуқаролар кўплаб муаммоларга дуч келади. Шунингдек, улар иш топишда ҳам қийналади.
Хитой ҳукуматининг бу каби хатти-ҳаракатлари Жорж Оруэлнинг «1984» асарида таърифланган тузумга қиёсланди. Тизим одамларнинг ҳар бир қилган ҳаракатига балл қўшади ёки олиб ташлайди.
Изоҳ (0)