Санкт-Петербургда Буюк Британиянинг бош консуллиги ўз ишини тўхтатади. Бу ҳақда Россия Ташқи ишлар вазирлиги сайтида маълум қилинди, деб хабар берди «Газета.ru».
«Икки мамлакатнинг консуллик муассасалари ўртасида юзага келган келишмовчиликни ҳисобга олиб, Россиянинг Санкт-Петербургда Буюк Британия бош консулхонасини очиш борасидаги розилиги қайтариб олинди», — дейилади хабарда.
Вазирликдагиларнинг таъкидлашича, «Британия томонига муассасанинг ишини тўхтатиши учун кераклича вақт ажратилади».
Олдинроқ 23 нафар россиялик дипломат Буюк Британиядан чиқариб юборилиши хабар қилинган эди. Россиялик собиқ ҳарбий Сергей Скрипалнинг заҳарланиши билан боғлиқ иш тафсилотларининг ошкор бўлиши Британия ҳукумати раҳбарининг бундай қарорига туртки бўлган.
Изоҳ (0)