КХДР етакчиси Ким Чен Ин Жанубий Корея делегацияси орқали АҚШ президенти Дональд Трампга яқин вақтлар ичида учрашув ўтказишни таклиф қилди, деб ёзади «РБК». Март бошида КХДРга ташриф буюрган Жанубий Корея делегацияси раҳбари, мамлакат президентининг миллий хавфсизлик бўйича маслаҳатчиси Чон Ий Ён айтишича, Трамп таклифни қабул қилган.
Чон Ий Ён Трампга Шимолий Кореяга сафар тафсилотлари ҳақида гапириб берган. Хусусан, у Пхеньяннинг ядросизланиш тарафдори эканлиги, шунингдек, Ким Чен Иннинг ракета синовларидан воз кечишга тайёрлигини маълум қилган. Бундан ташқари, Шимолий Корея етакчиси АҚШ ва Жанубий Кореянинг режали ҳарбий машғулотлари давом этиши кераклигини тан олган.
Ён КХДРга босим Пхеньяннинг сўзлари амалда ўз исботини топмагунича давом этишига ишонтирди.
Жанубий кореялик мансабдор Ким Чен Иннинг иложи борича тезроқ учрашиш нияти ва Трампнинг ушбу учрашувни шу йилнинг майигача ўтказишга тайёрлигини маълум қилди.
Изоҳ (0)