Аргентинанинг сўнгги диктатори Рейналдо Биноне 90 ёшида оламдан ўтди

Аргентинанинг сўнгги диктатори Рейналдо Биноне 90 ёшида оламдан ўтди. Бу ҳақда «Известия» хабар бермоқда.

Хунта томонидан амалга оширилган жиноятлар учун бир неча умрбод қамоқ жазоларига ҳукм қилинган Биноне ҳарбий госпиталда ўлгани билдирилмоқда. Бу ерга у саломатлиги ёмонлашгани сабабли келтирилганди.

1976 йили Аргентинада ҳокимиятни ҳарбийлар эгаллаб олади. Рейналдо Биноне эса 1982 йилда президент бўлди. Расмий манбаларга кўра, ҳарбий диктатура йиллари Аргентинада 18 минг фуқаро изсиз йўқолганди.

2016 йил май ойида суд Бинонени сиёсий рақибларни йўқ қилиш мақсадида «Кондор режаси» операцияси доирасида инсониятга қарши амалга оширилган жиноятларда айбдор деб топди.