Бағдод суди ИШИД террорчилари етакчиси Абу Бакр ал-Бағдодийнинг синглиси (ёки опаси)ни ўлим жазосига маҳкум этди, деб ёзади Meduza Fox News’га таяниб. Суд вакили унинг исм-шарифини эълон қилмаган.
Айни пайтда «РИА Новости» маҳаллий ОАВларга таяниб, ҳукм Абу Бакр ал-Бағдодий эмас, ИШИДнинг аввалги етакчиси — Абу Умар ал-Бағдодийнинг синглисига нисбатан чиқарилганини маълум қилмоқда, у 2010 йилдаёқ ўлдирилган эди.
ИШИД етакчисининг синглиси жангарилар отрядларини логистика борасида қўллаб-қувватлаганликда, шунингдек, Мосулдаги террорчилар ўртасида пул тақсимлаганликда айбдор деб топилди. Мосул 2014 йилдан буён уч йил давомида ИШИД назорати остида бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)