Украинанинг Мукачево шаҳрида талончилар тунги пайт VS Банк филиали омборига кириб, у ерда мижозларнинг қимматбаҳо буюмлари сақланаётган 35 та сейфни шип-шийдам қилди. Бу ҳақда «Корреспондент.net» хабар бермоқда.
Жиноятчилар банкнинг шаҳар марказидаги биноси учинчи қаватида жойлашган омбор томининг бир неча даражали темир-бетон тўсиғини тешишга муваффақ бўлгани билдирилмоқда.
«Буни бир неча соат, ҳатто кун мобайнида амалга оширилганини тасаввур этиш қийин. Устига-устак, ортиқча шовқин-сурон ва вибрациясиз. Ҳаракат ва товушни қайд этадиган сигнализация тизимлари нега ишламагани ҳақида саволлар пайдо бўлади», — таажжубланади маҳаллий нашрлардан бири.
Изоҳ (0)