Пляж бўйлаб сайр қилиб юрган аёл соябон зарбидан вафот этди, деб хабар берди The Verge.
Текширув маълумотларига кўра, пляжда дам олаётган 55 ёшли аёлнинг ўлимига шамол натижасида учиб келган соябон билан тўқнашув сабаб бўлган. Тўқнашув вақтида босим 120 мегапаскални ташкил этган.
Мазкур ҳолат шу қадар тез содир бўлганки, унинг ёнидаги одам нима бўлганини тушунмай ҳам қолган. Нафас олиши қийинлашиб, гапира олмай қолган аёл шифохонага етказилган, бироқ орадан бир соат ўтгач у вафот этган. Марҳумнинг жасади ёриб кўрилгач, соябон унинг қовурғасини синдириб юборгани, юракнинг чап қоринчаси ва кўкрак мушакларига шикаст етказгани маълум бўлди.
Ўлимга сабаб бўлган соябон топилмади. Тадқиқотчилар шу турдаги оғирлиги 5 килограммга тенг соябондан фойдаланган ҳолда зарба кучини аниқлаб кўрди. Маълум бўлишича, нохуш ҳодиса содир бўлган вақтда шамолнинг тезлиги сониясига 9,8 метрни ташкил этган. Бу эса зарба вақтидаги босим 110 мегапаскалга тенг бўлганлигини билдиради.
Изоҳ (0)