Ўзбекистон вице-чемпиони «Насаф» Чемпионлар Лигасининг кетма-кет иккинчи уй учрашувида минимал ҳисобдаги ғалабага эришди. Бунгача Амирликларнинг «Ал-Васл» клубини таслим қилган Рўзиқул Бердиев жамоаси, энди Қатарнинг «Ас-Садд» жамоасидан устун келди.
Беллашувдаги ягона гол 63-дақиқада Азиз Ғаниев томонидан урилди. Меҳмонлар ҳимоячиси жарима майдончаси ичида Бобур Абдухолиқовни қўполлик билан тўхтатиб қолгач, япониялик ҳакам қатарликлар дарвозаси томон пенальти тайин қилганди.
«Ас-Садд» бунгача Хави етакчилик қилган икки ўйинда 6 очко ишлашнинг уддасидан чиққанди. Бугун, шунингдек, Эроннинг «Персеполис» клуби ҳам Теҳронда навбатдаги ғалабасини қўлга киритди. Форслар бунга қадар илк турда «Насаф» постига жавобсиз 3 та гол уришга эришганди.
Шу тариқа гуруҳда чалкаш вазият юзага келди. Яъни, бирйўла уч клуб ҳисобида 6 тадан очко бор. Қатарликлар 2-давранинг икки ўйинини Доҳада ўтказиш имкониятига эга. «Насаф» эса аксинча, 2 та сафар ўйинига боради ва фақатгина эронликларни ўз майдонида қабул қилади.
Чемпионлар Лигаси «C» гуруҳи. 3-тур 5 март, душанба
«Насаф» — «Ас-Садд» 1:0
Гол: Азиз Ғаниев, 62-пен (1:0).«Персеполис» — «Ал-Васл» 2:0
Голлар: Farsҳод Аҳмадзода, 36 (1:0). Али Алипур, 41-пен (2:0).
Изоҳ (0)