25 февраль куни Huawei Mobile World Congress 2018 кўргазмасида бир қатор илғор мобил қурилмаларни намойиш этди. Бу FullView дисплейли дунёда биринчи Huawei MateBook X Pro ноутбуки, Huawei MediaPad M5 планшети ва Huawei MediaPad M5 Pro’дир.
Huawei MateBook X Pro ва Huawei MediaPad M5’нинг иккиси ҳам аниқ дисплей, ускунанинг кучли янгиланиши ва интеллектуал дастурий таъминотни мужассамлаштирган:
Ultra юпқа, лекин тўлиқ функционал 13,9 дюймли янги ноутбук бўлиб, энг янги Huawei FullView сенсорли 3К дисплейга ва экраннинг корпусга мутаносиблиги рекорд даражадаги 91 фоиздир. Қурилма i7/и5 8-чи авлод Intel Core™ процессори, ҳажми 57,4 Вт*Чга тенг кучли батарея ва 2 Gb GDDR5li NVIDIA GeForce MX150 дискрет графика билан жиҳозланганлиги уни бозордаги энг енгил ва кучли ноутбуклардан бирига айлантирди.
Huawei MateBook X Pro тиниқ овозни махсус яратилган динамиклардан чиқарадиган Dolby Atmos аудитизими билан мақтанса арзийди. Dolby Atmos тизими билан овоз оқими фойдаланувчини экранда рўй бераётган ҳаракатга жалб қилади.
Huawei MediaPad M5 va Huawei MediaPad M5 Pro
Эргономик, элегант ва кучли 8,4 дюймли ёки 10,8 дюймли Huawei MediaPad M5 планшетлари 2.5D шишали 2K HD displey ClariVu 5.0, шунингдек, Harman Kardon лабораториясида созланган динамикларга эга.
Huawei Histen аудиотехнологияси мафтункор 3D овозни таъминлайди. Бунинг учун овоз частоталарининг тўлиқ кўламини сайқаллаб, овоз чиқишининг ўта сифатли бўлишини таъминлайди.
10,8 дюймли Huawei MediaPad M5 Pro бармоқ босилишининг 4096 даражали сезувчанлигига эга Huawei M-Pen ультра аниқ стилиуси билан ҳам жиҳозланган бўлиб, бу расм чизиш, лойиҳалаш ва матн ёзиш жараёнларини анча осонлаштиради.
«Бугунги кун истеъмолчилари кўп нарсани хоҳлашади: улар ўз технологиялари ҳам кучли, ҳам мосланувчан бўлишини кутишади, Huawei эса нафақат шу мезонларга жавоб бера оладиган қурилмалар яратишга интилади, балки кундалик ҳисоб-китобларни ғаройибга айлантирадиган тажриба ҳам яратади. Huawei MateBook X Pro va Huawei MediaPad M5 Series мобил ҳисоблашлар янги авлодининг олдинги қаторида бўлиб, имкониятлар ва ҳаёт чегарасидан ўтиш имконини беради», — деди Huawei Consumer Business бош директори Ричард Юй.
Хусусияти ва қиймати
5G стандартда ишловчи абонентлар модули – ушбу илғор қурилма мобил уланишнинг келажагига асос яратади.
Huawei янги Huawei 5G CPE (customer-premises equipment) абонентлар модулини ишга туширди. Бу 5G учун 3GPP телекоммуникация стандартида ишловчи дунёда биринчи тижорат терминал қурилма бўлиб, Huawei симсиз уланишларнинг кейинги авлодига асос яратмоқда.
Қурилма Huawei яратган Balong 5G01 чипсетидан фойдаланади – бу 3GPP стандарт ва 5G’нинг барча частоталарида, шу жумладан, sub-6 GGs ва миллиметрли тўлқинларда (ММW) ишловчи дунёда биринчи тижорат чипсетидир.
Бино ичи ва ташқарисида фойдаланиш мумкин бўлган бу қурилма ўта юқори тезликни (2 Гбит/с гача) таъминлайди ҳамда 4G ва 5G тармоқларда ишлаверади.
«5G технологияси интеллектуал оламимизда олдинга қўйиладиган кейинги қадамни мустаҳкамлайди. Бунда одамлар, транспорт воситалари, уйлар ва қурилмалар тўлиқ уланган бўлиб, янги таассуротлар, ғоялар ва имкониятларни таъминлайди», — дейди Huawei Consumer Business Group (CBG) бош директори Ричард Юй.
«2009 йилдан бери Huawei тадқиқотлар ва 5G технологияси яратишга 600 миллион АҚШ долларига тенг маблағ сарфлади.Уланган автомобиллар ва смарт-уйлардан то AR/VR видеороликлар ва голограммаларгача биз етук 5G экотизими яратиш ниятидамиз, токи истеъмолчилар мулоқот қилишимиз ва алмашишимизни трансформация қиладиган ҳақиқатдан ҳам боғланган оламдан фойда олишсин».
Huawei CBG 5G қурилма стратегиясини яратди, у юқори тезликдаги 5G’га уланиш имкониятларидан фойдаланади. Бу стратегия инсонлар ва объектларни уйда, транспорт воситаларида ва ундан ташқарида, мобил Wi-Fi, саноат модуллари ва бошқа қурилмаларга уланиши учун смартфонларни ўз ичига олади.
Huawei 5G соҳасида 30 дан зиёд глобал телекоммуникация операторлари, шу жумладан, Vodafone, Softbank, T-Mobile, BT, Telefonica, China Mobile va China Telecom билан ҳамкорлик қилади. 2017 йилда Huawei биринчи бўлиб ўз ҳамкорлари билан дастлабки 5G тижорат тармоғини ишга туширди.
2018 йилда Huawei ишлаб чиқариш занжирини яхшилаб, мослик синовларини тугатади ва 5G’нинг тижорат ёйилишининг биринчи раундини қўллаб-қуватлайди.
Эслатиб ўтамиз, ўтган йилнинг охирида 3GPP консорциуми радиоуланиш тармоғи техник таснифлар («спецификация») яратиш гуруҳининг йиғилишида 5G тармоғи учун «янги радио»нинг (New Radio, NR) амалга қўлланилаётган дастлабки таснифи тақдим этилганди.
5G NR стандартининг биринчи версияси 5G тармоғини ноавтоном архитектурасини ёйишни тасвирлабгина қолмай, ноавтоном ва автоном архитектуралар стандартлари яратишнинг асосий қисмини тугатади.
Бир сўз билан айтганда, дунё мобил алоқа тармоғига кенг кўламда 5G тармоғи учун «янги радио»дан тижорат фойдаланишни 2019 йилдаёқ бошлашга пойдевор яратилган.
Huawei 5G CPE 5G тармоғи учун 3GPP телекоммуникацион стандартини таъминлайди.
Huawei Компанияси Mobile World Congress 2018 доирасида ўтказиладиган кундалик тадбирларни ёритиш учун UzReport телеканали журналистларини таклиф этган.
Реклама ҳуқуқи асосида!
Изоҳ (0)