UTair авиакомпанияси Ўзбекистондаги ваколатхонасини ёпишни режалаштирмоқда, деб хабар беради Spot.
Компаниянинг кузатув кенгаши бу борада жорий йилнинг 2 март санасида йиғилиш ўтказади.
Мазкур авиаташувчи Ўзбекистондаги ваколатхонасини 2012 йилда очган эди. UTair Москвадан Тошкент ва Бухорога парвозларни амалга ошириш билан шуғулланади.
UTair авиакомпанияси самолёт ва вертолётлар билан ишлайдиган, шунингдек, самолётларни таъмирлаш ҳамда техник хизмат кўрсатиш компанияларини, ходимларни ўқитиш, парвозлар ва авиакомпанияларни сотиш бўйича хизмат кўрсатишни ўз ичига олган UTair Group компаниясига тегишли ҳисобланади. 2018 йилда авиакомпания йўловчиларни ташиш ҳажмини 12 фоизга ошириб, 8,2 миллион кишига етказиш ниятида.
Изоҳ (0)