2017 йилнинг июнь ойи бошида Йеллоустоун миллий боғида иллинойслик 53 ёшли Жефф Мерфи ғойиб бўлди. У бир кунлик сафарга чиқиб, белгиланган вақтда алоқага чиқмагандан сўнг унинг рафиқаси полицияга мурожаат қилди, деб ёзади Meduza.
Эркак баландлиги икки километрга яқин Turkey Pen Peak тоғига чиқишни режалаштирган. Қутқарув операцияси бошланиб, икки кундан сўнг унинг жасади топилган. Мерфининг 152 метр баландликдан тушиб кетиб, ҳалок бўлганлиги тахмин қилинди.
Суриштирувдан сўнг унинг ўлими бахтсиз ҳодиса деб топилди. Жефф Мерфи миллионер Форрест Фенн томонидан кўмилган хазинани қидира туриб ҳалок бўлганлиги маълум қилинди. У хазинани қидириб ҳалок бўлганларнинг биринчиси эмас.
85 ёшли Форрест Фенн — собиқ арт-дилер ва коллекциячи, Вьетнам ветерани. Унга 90 йилларда саратон ташхиси қўйилгандан сўнг хазинани яшириш ғояси пайдо бўлади. Хасталик тўхтатиб қолинган, бироқ хазина ҳақидаги ғоя қолган.
У 2010 йилда The Thrill of the Chase номли автобиографиясини чоп этиб, унда Rocky Mountains’га хазина яширганлигини маълум қилган.
Изоҳ (0)