2017-yilning iyun oyi boshida Yelloustoun milliy bog‘ida illinoyslik 53 yoshli Jeff Merfi g‘oyib bo‘ldi. U bir kunlik safarga chiqib, belgilangan vaqtda aloqaga chiqmagandan so‘ng uning rafiqasi politsiyaga murojaat qildi, deb yozadi Meduza.
Erkak balandligi ikki kilometrga yaqin Turkey Pen Peak tog‘iga chiqishni rejalashtirgan. Qutqaruv operatsiyasi boshlanib, ikki kundan so‘ng uning jasadi topilgan. Merfining 152 metr balandlikdan tushib ketib, halok bo‘lganligi taxmin qilindi.
Surishtiruvdan so‘ng uning o‘limi baxtsiz hodisa deb topildi. Jeff Merfi millioner Forrest Fenn tomonidan ko‘milgan xazinani qidira turib halok bo‘lganligi ma’lum qilindi. U xazinani qidirib halok bo‘lganlarning birinchisi emas.
85 yoshli Forrest Fenn — sobiq art-diler va kolleksiyachi, Vyetnam veterani. Unga 90-yillarda saraton tashxisi qo‘yilgandan so‘ng xazinani yashirish g‘oyasi paydo bo‘ladi. Xastalik to‘xtatib qolingan, biroq xazina haqidagi g‘oya qolgan.
U 2010-yilda The Thrill of the Chase nomli avtobiografiyasini chop etib, unda Rocky Mountains’ga xazina yashirganligini ma’lum qilgan.
Izoh (0)