2018 йил 19 февраль куни Франкфурт-Майнда Ўзбекистон Республикаси Ташқи иқтисодий фаолият миллий банки ва Германиянинг AKA Bank’и (AKA Ausfuhrkredit-Gesellschaft mbH) ўртасида Ўзбекистоннинг Европа мамлакатлари билан савдо-иқтисодий алоқаларини ривожлантириш учун 100 миллион евролик кредит шартномаси имзоланди.
Кредит шартномаси Ўзбекистон Республикаси Президенти Шавкат Мирзиёевнинг 2017 йил 30 ноябрдаги «Ўзбекистоннинг Германия билан икки томонлама ҳамкорлигини янада кенгайтириш чора-тадбирлари тўғрисида»ги 3414-сонли қарори ижроси доирасида имзоланди.
AKA Bank билан имзоланган ушбу шартнома Ўзбекистон бош вазири Абдулла Арипов бошчилигидаги Ўзбекистон Республикаси ҳукумат делегациясининг 2017 йилнинг 14—17 ноябрь кунлари Германияга қилинган сафари доирасида амалга оширилган келишувларнинг амалий ифодасидир.
Шартнома, хусусан, Германия ва Европа Иттифоқининг бошқа давлатларидан товарлар ҳамда хизматлар импортини ўз ичига олган инвестиция лойиҳаларини, шунингдек, кичик бизнес ва хусусий тадбиркорлик лойиҳаларини молиялаштириш учун банкка кредит линияси ажратилишини назарда тутади.
Реклама ҳуқуқи асосида!
Изоҳ (0)