Москва вилоятининг Одинцово шаҳрида МДҲ давлатлари аксилтеррор марказлари раҳбарларининг XI йиғилиши бўлиб ўтади. Бу ҳақда МДҲ аксилтеррор маркази матбуот хизмати маълум қилди, дея хабар беради «РИА Новости».
Тадбирда МДҲ давлатлари хавфсизлик органлари ва махсус хизматлари делегациялари, халқаро ташкилотлар вакиллари иштирок этиши кутилмоқда.
Йиғилиш кун тартибига терроризм таҳдидининг бугунги ҳолатини баҳолаш, халқаро террорчи ташкилотлар таъсир доирасининг дунёнинг бошқа минтақаларига кўчиш эҳтимоли, МДҲ давлатлари ташқи чегараларида терроризм кўринишларининг олдини олиш масалалари киритилган.
Жорий йилда ўтказилиши режалаштирилган МДҲ аксилтеррор машғулотларига ҳам алоҳида эътибор қаратилади.
Изоҳ (0)