Криштиану Роналду Чемпионлар Лигасида битта жамоа учун 100 та гол урган тарихдаги илк футболчига айланди

Португалиялик ҳужумчи Криштиану Роналдунинг «Реал» учун Чемпионлар Лигасида урган голлари сони 101 тага етди. Бу ҳақда «Чемпионат» нашри хабар берди.

Мазкур кўрсаткич билан Роналду Европа футболи тарихига кирди. Унга қадар ҳеч бир футболчи 1 та клуб сафида Чемпионлар Лигасида 100 та гол нишонлашга улгурмаганди. Бу борада иккинчи кўрсаткич «Барселона» аъзоси Лионель Мессига тегишли бўлиб, аргентиналик ҳужумчи «Барселона» учун Чемпионлар Лигасида 97 та гол уришнинг уддасидан чиқа олган.

Роналду бундай муваффақиятга «ПСЖ» билан ўйинда эга чиқди. Чорак финал йўлида кечган жангда ҳужумчи дублга эришди. Унинг пенальтидан урган биринчи голи 100-аниқ зарба сифатида тарихий натижа ўрнатди.

Криштиану Роналдунинг дубли сабаб «Реал» биринчи ўйинда «ПСЖ» устидан зафар қучди