Krishtianu Ronaldu Chempionlar Ligasida bitta jamoa uchun 100 ta gol urgan tarixdagi ilk futbolchiga aylandi

Portugaliyalik hujumchi Krishtianu Ronalduning “Real” uchun Chempionlar Ligasida urgan gollari soni 101 taga yetdi. Bu haqda “Chempionat” nashri xabar berdi.

Mazkur ko‘rsatkich bilan Ronaldu Yevropa futboli tarixiga kirdi. Unga qadar hech bir futbolchi 1 ta klub safida Chempionlar Ligasida 100 ta gol nishonlashga ulgurmagandi. Bu borada ikkinchi ko‘rsatkich “Barselona” a’zosi Lionel Messiga tegishli bo‘lib, argentinalik hujumchi “Barselona” uchun Chempionlar Ligasida 97 ta gol urishning uddasidan chiqa olgan.

Ronaldu bunday muvaffaqiyatga “PSJ” bilan o‘yinda ega chiqdi. Chorak final yo‘lida kechgan jangda hujumchi dublga erishdi. Uning penaltidan urgan birinchi goli 100-aniq zarba sifatida tarixiy natija o‘rnatdi.

Krishtianu Ronalduning dubli sabab “Real” birinchi o‘yinda “PSJ” ustidan zafar quchdi