Америкалик сенаторлар Бен Кардин, Шеррод Браун ва Роберт Менендес мамлакат молия вазирлиги томонидан тайёрланган, «Кремль рўйхати» сифатида машҳур бўлган маъруза иштирокчиларига қарши янги санкциялар киритиш талаби илгари сурилган резолюция лойиҳасини тайёрлади, деб ёзади «РБК» Politico нашрига таяниб.
Нашр қайд этишича, маъмуриятнинг январь охирида эълон қилинган, қўлланилаётган чоралар самарали таъсир қилаётганлиги туфайли Россияга қарши янги санкциялар киритмаслик қарори «демократларни ғазаблантирган».
«Маъмурият миллий хавфсизликка очиқ-ойдин хавф қаршисида кўрсатган енгилтаклик хавотир уйғотади, бундай давом этиши керак эмас», — деди Кардин резолюция бўйича баёнотида.
«Кремль маърузаси» — катта эҳтимол билан Америка санкциялар амал қиладиган россиялик мансабдорлар ва бизнесменлар рўйхати ўтган ҳафта эълон қилинди. Унга 210 киши: 114 нафар йирик амалдор ва 96 олигарх киритилди.
Изоҳ (0)