Тошкент вилоятининг Оққўрғон туманида уч болани ўлдиришга гумондор шахс ушланди. Бу ҳақда ЎзА хабар бермоқда.
Бир муддат олдин интернет тармоқларида уч нафар вояга етмаган шахснинг умрига зомин бўлган маньяк хақида хабарлар тарқалган эди. Бу масалага ойдинлик киритиш мақсадида ЎзА мухбири Бош прокуратурага мурожаат қилди.
Ҳақиқатан ҳам Тошкент вилояти Оққўрғон туманида уч нафар вояга етмаган шахсни қасддан ўлдириш жинояти содир этилгани аниқланди. Бу қилмишни содир этган Отабоев Зоҳид Суннатиллаевичга нисбатан қўзғатилган жиноят иши юзасидан тергов ҳаракатлари Бош прокуратуранинг Ўта оғир жиноятларни тергов қилиш бошқармаси томонидан олиб борилмоқда.Терговда аниқланишича, Оққўрғон туманининг Хонобод маҳалла фуқаролар йиғинида яшаган З. Отабоев 2003 йилда туғилган Ш.М., 2005 йилда туғилган Ё.У., 2014 йилда туғилган О.С. ни қасддан ўлдириб, уларнинг мурдасини ўз ҳовлисига кўмиб қўйган.Гулноза Раҳимова
Бош прокуратуранинг Жамоатчилик билан алоқалар ва ҳуқуқий ахборот бўлими бошлиғи
Бу вояга етмаган шахслар турли йилларда бедарак йўқолган бўлган.
З. Отабоев айбланувчи тариқасида ишда иштирок этишга жалб қилиниб, қамоққа олинган. Ҳозирда зарур тезкор тергов ҳаракатлари давом эттирилмоқда.
Изоҳ (0)