Польшанинг Do Rzeczy газетасига берган интервьюсида Ребекка Зоммер ўз кузатувлари билан бўлишди, деб ёзмоқда TJournal. Дастлаб Ребекка қочоқлар азоблардан қочиб келяпти ва уларни Германияга қабул қлиш керак, деб ҳисоблаган. У 300 нафар кўнгилли билан немис тили курсларида шуғулланган ва муҳожирларга янги жамиятга кўникишида ёрдам берган.
«Ўрта аср араб қарашлари вақт ўтиши билан ўзгариши керак», деган умидга қарамасдан, Зоммер тез орада «мусулмон қочоқлар умуман бошқа қадриятлар тизимида ўсгани ва диний қарашлар уларга болаликдан сингдирилгани ҳамда Ғарбдаги ҳаётга кўникиш учун ҳеч қандай хоҳиши йўқлигини» тушуниб етган.
Шунингдек, Зоммер муҳожирлар унга манманлик ва нафрат билан қарганини, ўзаро суҳбатда эса уни «аҳмоқ немис фоҳишаси« деб атганини қайд этган. Бундай муносабат кўнгиллиларнинг секинлик билан ўз вазифасидан кетишига олиб келган.
Айни пайтда Зоммер Польшага кетишга ҳозирлик кўрмоқда, чунки у хавфсизлик таъминланиши даражасидан қониқмаган, муҳожирларнинг оммавий келиши вақтида унга беш марта араб тилида гапирувчи эркаклар ҳужум қилган.
Изоҳ (0)