Polshaning Do Rzeczy gazetasiga bergan intervyusida Rebekka Zommer o‘z kuzatuvlari bilan bo‘lishdi, deb yozmoqda TJournal. Dastlab Rebekka qochoqlar azoblardan qochib kelyapti va ularni Germaniyaga qabul qlish kerak, deb hisoblagan. U 300 nafar ko‘ngilli bilan nemis tili kurslarida shug‘ullangan va muhojirlarga yangi jamiyatga ko‘nikishida yordam bergan.
“O‘rta asr arab qarashlari vaqt o‘tishi bilan o‘zgarishi kerak”, degan umidga qaramasdan, Zommer tez orada “musulmon qochoqlar umuman boshqa qadriyatlar tizimida o‘sgani va diniy qarashlar ularga bolalikdan singdirilgani hamda G‘arbdagi hayotga ko‘nikish uchun hech qanday xohishi yo‘qligini” tushunib yetgan.
Shuningdek, Zommer muhojirlar unga manmanlik va nafrat bilan qarganini, o‘zaro suhbatda esa uni “ahmoq nemis fohishasi“ deb atganini qayd etgan. Bunday munosabat ko‘ngillilarning sekinlik bilan o‘z vazifasidan ketishiga olib kelgan.
Ayni paytda Zommer Polshaga ketishga hozirlik ko‘rmoqda, chunki u xavfsizlik ta’minlanishi darajasidan qoniqmagan, muhojirlarning ommaviy kelishi vaqtida unga besh marta arab tilida gapiruvchi erkaklar hujum qilgan.
Izoh (0)