XXIII бор ташкил этилаётган қишки Олимпиада ўйинларида икки спортчи Ўзбекистон шарафини ҳимоя қилади. МОҚ раҳбарияти йирик спорт фестивалнинг очилиш маросимида мамлакат байроғини Комил Тўхтаевга ишониб топширди.
Умид Аҳмаджонов Пхёнчхан қишки Олимпиадасининг очилиш маросимида иштирок этиш учун Жанубий Кореяга етиб келди
Кеча — 6 февраль куни Пхёнчхан шаҳрига жўнаб кетган Тўхтаев «Оламспорт» нашрига интервью бериб, Олимпиадада муносиб иштирок этишга ваъда берган. Слалом ва гигант слаломда иштирок этадиган спортчининг фикрича, унинг имконияти иккинчи тур — гигант слаломда кўпроқ.Отам тоғ чанғиси бўйича Собиқ Иттифоқда спорт устаси бўлган. Шунинг учун ҳам икки ёшимдан бери чанғи нималигини биламан. 12 ёшимдан профессионал машғулотлар ўтказишни бошлаганман.Бугунги кунда Иван Вакуленко қўл остида шуғулланяпман. Олимпиадага айнан ушбу мураббий қўл остида тайёргарлик кўрдим. Дастлаб жисмоний тайёргарлик устида ишладик. Октябрь ойида эса қорли ҳудудга йўл олдик. У ерда франциялик мураббий қўл остида машғулотлар ўтказдим. Сўнг спортчиларнинг халқаро лагерига бориб, бир ой шуғулландим. Лагерда Россия, Украина, Қозоғистон, Тожикистондан спортчилар бор эди. Бирга машғулот ўтказдик. Орада Италия, Хитой мамлакатларида ўтган мусобақаларда қатнашдик. 22—24 январь кунлари Қирғизистонда ўтган халқаро Орловка Cуп мусобақасида совриндор бўлдим.
Комил Тўхтаев, тоғ чанғичиси
Спортчи икки йил аввал Жанубий Кореянинг қорли трассаларида ўтган Осиё Чемпионатида иштирок этган. Шунинг учун ҳам Пхёнчхан ҳақида яхши тасаввурга эга. Айни пайтда Тўхтаев Олимпиадада совриндор бўлиш учун бор кучини беришини айтган.
Бизда иқтидорли спортчилар кўп. Улар мусобақаларда яхши иштирок эта олади. Фақатгина уларни қўллаб-қувватлаш керак. Агар эътибор кучаядиган бўлса, йигитларимиз яхши натижалар қайд эта олади. Бизда спортнинг ушбу тури билан шуғулланишни истовчилар кўпчиликни ташкил қилади.Муаммо шундаки, бу қиммат спорт турларидан бири ҳисобланади. Бу борада менга отам ёрдам берган. Яхши мосламалар бўлмаса, сизни стартга қўйишмайди. Шунинг учун ҳам мусобақаларга тайёрланаётганда барча талабларга жавоб берадиган инвентарларни сотиб оламиз.
Комил Тўхтаев, тоғ чанғичиси
Изоҳ (0)