Ўзбекистон Тасвирий санъат галереясида 2018 йил 2, 9, 14, 16, 21, 23 февраль кунлари 19:00 да «Шашмақом» фестивали бўлиб ўтади. Бу ҳақда OXUS Culture жамияти «Дарё»га маълум қилди.
Фестиваль Ўзбекистон Тасвирий санъат галереяси ва OXUS Culture жамияти ҳамкорлигидаги навбатдаги мусиқий лойиҳа бўлиб, унинг муаллифи — Ҳусниддин Ато.
Лойиҳа Шашмақом мусиқа меросига бағишланган бўлиб, 2013 ва 2014 йиллларда илк бора ўтказилган «Шашмақом кўргазмаси» лойиҳаси тингловчи ва томошабинларда катта таассурот қолдирган эди.
Бу галги лойиҳада эса Шашмақом мусиқа меросининг ҳар бир бўлими, туркумларига алоҳида эътибор қаратилган. Фестивалга ташриф буюрувчилар Шашмақом туркумиги кирувчи барча олти бўлим: Мушкулот (чолғу бўлими) қисмидаги нодир асарлар ва Наср (ашула бўлими) қисмидаги мукаммал асарларнинг туркумларидан тўлиқ баҳраманд бўлиши мумкин.
Изоҳ (0)