Норвегиянинг Конгсберг шаҳрида яшовчи 30 ёшли эркак спиртли ичимлик ичмоқчи бўлиб, қор бўрони сабабли чанғида йўлга тушган. Ичимлик ичиб бўлгач, уйига қайтган, бироқ қайтиш чоғида чанғида шунчалик ёмон учганки, ўткинчилар буни кўриб, полиция чақирган, деб ёзмоқда TJournal.
Полициянинг қайд этишича, эркак йўлак бўйлаб ҳаракатланган ва йўл ҳаракати қоидаларини бузмаган. Бироқ у шунчалик маст бўлганки, полициячилар ундан чанғини ечишни сўрашга мажбур бўлган. Шундан сўнг чанғичи полиция машинасида уйига олиб борилган ва унга айблов эълон қилинмаган.
Норвегияда чанғи оммабоп кўча транспорти ҳисобланади. Кўплаб муассасалар олдида чанғилар учун устунлар ўрнатилади.